Предводени од Немања Врањеш и Дерек Нидам, црногорскиот претставник Морнар синоќа во Бар ја совлада Црвена Звезда со 88:84 и се избори за мајсторка во полуфиналето на регионалната кошаркарска АБА лига.
Иако домаќините беа ослабени со отсуството на повредениот центар Урош Луковиќ, сепак стигнаа до триумф против бранителот на трофејот и ја изедначија серијата на 1-1 во победи.
Врањеш средбата ја заврши со 29 поени, еден помалку постигна Нидам.
Кај ѕвезда најефикасен беше Тејлор Рочести со 16 поени, додека македонскиот интернационалец Перо Антиќ реализира шест коша.
Решавачкиот натпревар кој ќе го даде патникот во големото финале се игра на 2 април во Белград.
Мајсторка ќе се игра и на втората полуфинална пресметка каде Будуќност ќе ја има предноста домашен терен во дуелот со Цедевита.