Ракометарите на Металург го освоија третото место во годинашното издание на регионалната СЕХА лига, откако попладнево го победија Брест Мешков од Белорусија со 26:21.
Иако „металурзите“ во најголемиот дел од натпреварот настапија со комбиниран состав, сепак постигнаа победа со пет голови разлика. Ваква предност македонскиот шампион имаше по првите 30 минути кога на пауза се отиде со резултат 13:8. Најефикасни во македонската екипа беа Миладин Козлина со седум и Ренато Вугринец со пет голови, а одличен настап имаше голманот Никола Митрески кој забележа 16 одбрани.
Во тек е последниот натпревар на завршниот „Фајнл фор“ турнир од сезоната 2012/13 во СЕХА лигата кој се одржува во СЦ Борис Трајковски во Скопје, меѓу македонскиот претставник и бранител на трофејот Вардар Про и хрватскиот шампион Загреб Кроација Осигурање.