Италијанскиот тренер Еторе Месина повеќе не е тренер на ЦСКА Москва, соопштил претседателот на клубот Сергеј Иванов. Иванов изјавил дека Месина по две години самиот решил да си поднесе оставка на функцијата.
Месина заминува од најтрофејниот руски кошаркаски клубо по освоената титулата во ВТБ лигата. ЦСКА во финалната серија со 3-0 го совлада Нижни Новгород, во третиот меч ‘армејците’ победија со 82-66.
ЦСКА името на новиот тренер ќе го соопшти до крајот на месецов.
Месина својата кариера би требало да ја продолжи во Сан Антонио, каде би му бил асистент на Грег Попович.