Мерцедес АМГ потврди дека спортски модел базиран на новиот ГТ и наследникот на СЛС АМГ ќе влезе во сериско производство во 2016 година, а ќе биде официјално претставен на Саемот на автомобили во Женева.
Според објавената тизер фотографија на интернет може да се види дека возилото има пошироки пневматици и нова решетка на ладилникот, како и дека моделот и изработен по ФИА ГТ3 спецификации.
Тоа значи дека ќе биде конкурент на Астон Мартина Вантаж ГТ3, Ауди Р8 ЛМС ултра, Бентли континентал ГТ3, Ламборџини Хурикан ГТ3 и останатите модели од ГТ3 натпреварувањето.
Моторот е обновен твин-турбо 4,0 литарски В8 од ГТ изведбата, но се очекува стандардниот седумстепен менувач со двојна спојка да биде заменет со секвенционален менувач.
Цената се очекува да изнесува околу 450.000 евра, а повеќе информации ќе бидат достапни по премиерата во март на Саемот во Женева.