Натпреварот помеѓу 22-годишниот Стефанос Циципас и 24-годишниот Александар Зверев ќе биде најмладото полуфинале на Ролан Гарос од 2008 година, кога 22-годишниот Рафаел Надал го победи 21-годишниот Новак Ѓоковиќ.
Исто така, натпреварот помеѓу Гркот и Германецот ќе биде најмладото полуфинале на Грен слем од Австралија опен во 2010 година. Тогаш 22-годишниот Енди Мареј го совлада 21-годишниот Марин Чилиќ.
За потсетување, победникот на средбата, на крајот на турнирот ќе го замени Доминик Тим во Топ-4 на АТП ранг листата.
Во меѓусебните досегашни дуели води Циципас со 5:2.