Дербито на 9. коло од англиската Премиерлига помеѓу Манчестер јунајтед и Ливерпул, ќе го суди прославениот фудбалски судија Мартин Еткинсон.
Овој меч доаѓа во лошо време за „црвените ѓаволи“ кои се на лошото 12-то место, имаат најлош старт во последните 30 години, и повреден им е Пол Погба, а од друга страна, „црвените“ имаат максимални осум победи во осум меча.
Одлуката Еткинсон да суди, не ја прифатија со задоволство во Манчестер. Тој важи за арбитар кој му носи среќа на Ливерпул. Еткинсон има покажано 75 жолти и 6 црвени картони за екипите кои играле против Ливерпул. Кога тој бил главен судија, Ливерпул не знае за пораз од 2015 година наваму.