Мареј подготвен да игра во сингл најрано по девет месеци

Поранешниот број 1 во светскиот тенис, Енди Мареј (Велика Британија) очекува да биде подготвен да игра во сингл повторно за девет месеци најрано. 32-годишниот Шкот претрпе операција на колкот во јануари, но потребно е долго време да се обноват мускулните влакна и силата на ногата.

Мареј минатиот месец се врати на теренот и заедно со Шпанецот Фелицијано Лопез го освои турнирот во „Квинс“ во Лондон. Тој се вклучи во шемата во двојки и на „Вимблдон“, но отпадна во вториот круг во тандем со Пјер-Југ Ербер (Франција) кај машките парови и во третиот круг на мешани двојки со Серена Вилијамс (САД).

– За време на операцијата се добиле сериозни деформации на мускулните влакна и ќе треба многу време и напорна физичка работа, за да се обновам целосно. Силата во нозете нема да се врати за 3-4 месеци, поскоро ќе трае меѓу 9 и 12 месеци. Сигурно, моите мускули треба повторно да стигнат до одредено ниво за да можам повторно да играм во сингл. Во спротивно, ако неопходната силата ја нема, може повторно да дојде до повреда, изјави Мареј за Би-Би-Си.

Трикратниот Гренд слем шампион ќе помине низ специјална кондициска програма во следните 4-6 недели.

– Среќен сум што не чувствувам болки и сакам да ја вратам нормалната состојба на колкот. Кога силата во него ќесе врати, ќе можам повторно да се натпреварувам, додаде тој.

Би можело да ве интересира

Рекорден награден фонд за US Open 2019

Ана Ололовска

Зверев ќе ја прекине соработката со Лендл

Татјана Ташкова

Мајката на Ноле работела по 16 часа во ресторан за тој да стане тенисер

Татјана Ташкова

Ѓоковиќ со уште две цели до крајот на кариерата

Бекер: Публиката на Вимблдон да биде свесна за величината на Ѓоковиќ

Ана Ололовска

Ѓоковиќ: Надал и Федерер се една од главните причини да продолжам да играм

Ана Ололовска