Манчестер сити не ги губи надежите дека може во своите редови да го задржи напаѓачот Лирој Сане.
Според „Телеграф“ раководството на премиерлигашот ќе направи уште еден обид и ќе му предложи нов договор на 24-годишниот Германец.
Претходно, тренерот на Манчестер Сити, Јосеп Гвардиола изјави дека Сане не го обнови договорот и сака да го напушти тимот.
Познато е дека фудбалерот сака да замине во Баерн. Тимот од Минхен е подготвен за него да плати 40 милиони евра, додека Сити инсистира на сума од 70 милиони евра.
Изворот тврди дека Манчестер зазел принципиелна позиција и поверојатно ќе му дозволи на играчот да замине бесплатно, отколку да попушти на Баерн на преговорите.
Дваесет и четиригодишниот Германец ги скина лигаментите на коленото во првиот натпревар од тековната сезона – Суперкупот на Англија против Ливерпул. Сане повторно се појави на теренот во натпревар со Барнли на 22 јуни.