Екипата на Манчестер Јунајтед и натму е без победа во новата сезона од Премиер лигата. Попладнево во дуелот од второто коло „црвените ѓаволи“ одиграа нерешено 1:1 на гостувањето кај Сандерленд и го освоија првиот бод во шампионатот.
Манчестер Јунајтед поведе со голот на Хуан Мата во 17. минута, а резултатот го изедначи ново засилување на Сандерленд Џек Родвел во 30. минута.
На другите два дуела одиграни денеска: Хал – Стоук 1:1, Тотенхем – КПР 4:0.
На вчераодиграните натпревари: Евертон – Арсенал 2:2, Астон Вила – Њукасл 0:0, Челзи – Лестер 2:0, Кристал Палас – Вест Хем 1:3, Саутемптон – ВБА 0:0 и Свонси – Барнли 1:0.
Колото ќе биде комплетирано во утревечер (21 часот) со дербито меѓу двете првопласирани екипи од ланскиот шампионат Манчестер Сити (првак) и Ливерпул.
Тотенхем, Челзи и Свонси имаат максимални 6 бодови.