Селекторот на македонската кошаркарска репрезетација до 20 години Љупчо Малинков го одреди списокот на репрезентативци кои ќе играат на Европското првенство во Унгарија.
Малинков и неговиот помошник Перо Блажевски одлучија да играат со овие кошаркари: Иван Сапунџиев, Адем Мекиќ, Андреј Магдевски, Алаудин Мустафа, Филип Бакоч, Мартин Шалев, Јетмир Зекири, Андреј Цветковски, Љубомир Младеновски и Дејан Србиновски.
На Европското Првенство во Унгарија, Македонија ќе игра во групата Ц заедно со репрезентациите на Ерменија, Белорусија и Швајцарија.
Првиот дуел ќе го има в четврток против Белорусија, во сабота игра со Ерменија, а на 13 јули е средбата со Швајцарија.
Пвите две репрезентации од групата обезбедуваат пласман во втората фаза на шампионатот.