Македонски планинари се искачија на Аконкагва

Од:

Двајцата македонски планинари, Александар Кирковски и Димитар Тодоровски, вчера успешно го искачија највисокиот врв во Јужна Америка, Аконкагва 6962 метри надморска височина. Аконкагва се наоѓа на Андите во Аргентина, близу границата со Чиле, а освен на континентот претставува воопшто највисок врв надвор од Азија.

dobivaj vesti na viber

„Искачувањето го реализиравме со почеток од вториот висински камп, времето беше стабилно со ветар од 40 km/h и температура околу -25C. Истиот ден се спуштивме до базниот камп на 4300 мнв и се чувствуваме одлично“ велат планинарите.

За Александар ова искачување е дел од подготовките за брзинско искачување на Аконкагва што треба да се случи во некој од наредните денови, а неговата цел е под 12 часа од подножјето до врвот и назад. Димитар со 23 години е веројатно најмладиот Македонец што го искачил овој врв. Акцијата е дел од програмата на Федерацијата на планинарски спортови на Македонија.

Претходно оваа сезона врвот Аконкагва 6962 мнв успешно го искачи Д-р Сашко Кедев, а уште тројца планинари од Македонија во моментот се на експедиција на планината.

Би можело да ве интересира

Пронајдени и спасени двајца планинари на Шар Планина

Катерина Павлова-Николовска

Врвот Голема Вртешка дел од маршрутата на ПСК „Голак“ Делчево

Ана Ололовска

Да се допрат снеговите на Килиманџаро

Ана Ололовска

Стотина Планинари денес се искачија на Царев Врв на Осоговските Планини

Ана Ололовска

Младиот планинар Ване Бошев од Неготино по втор пат го искачи врвот Мали Томор во Албанија, во услови на невреме

Ана Ололовска

Планинска тура на Шар Планина под мотото „Испоти се во природа“

Ана Ололовска