Македонската репрезентација до 17 години ќе одигра два контролни натпревара против романските врсници во Букурешт на тренинг центарот на Фудбалската федерација на Романија.
Натпреварите ќе се одиграат утре и на 19 јуни.
Селекторот Боби Стојкоски за овие тест дуели повика 18 фудбалери од кои очекува да ја оправдаат неговата доверба.
– Овие два натпревара против Романија се исклучително важни за нашата репрезентација, противникот е многу квалитетен и ќе ни даде јасна слика за тоа колкави се нашите во квалификациите во октомври на Кипар кога играме против домашната репрезентација, Англија и Франција. Ова е вистински тест за формата во која се наоѓаме. Се надевам дека напредуваме и ќе одиграме квалитетно, изјави Стојкоски.