Македонската фудбалска репрезентација за две места го подобри својот пласман на најновата рејтинг листа што денеска ја објави Светската фудбалска асоцијација – ФИФА.
Сега Македонија е на 78.позиција со што продолжи напредокот на „црвено-жолтите“ во последниве пет месеци откако за селектор беше поставен Чедомир Јаневски.
Од противниците на македонските фудбалери во квалификациската група за Светското првенство, најдобропласирана е Хрватска (9.место), Белгија е на 20.та позиција, Србија се наоѓа на 36.место, Шкотска е 64.та а Велс кој напредуваше цели 13 места се наоѓа на 64.позиција.
На февруарската ФИФА листа води Шпанија пред Германија и Аргентина, а потоа следуваат Англија, Италија, Колумбија, Португалија, Холандија, Хрватска и Русија.
Следното рангирање ФИФА ќе го изврши на 14 март.