Македонската одбојкарска репрезентација ќе игра во финалето на Сребрената лига откако во драматичното полуфинале на завршниот турнир кој се одржува во Струмица со 3-2 во сетови ја победи Хрватска.
Решавачкиот петти сет, македонските одбојкари го добија со 15-12. Претходно, Хрватите беа доминантни во воедниот сет кој им припадна со 15-25, нашиот тим израмни добиавјќи го вториот сет со 25-19 и поведе со 2-1 откако беше подобар во третиот сет од 25-22. До израмнување на 2-2 во сетови и до битка во петтиот сет, Хрватите дојдо добивајќи го четвриот сет со 21-25.
Капитенот Никола Ѓорѓиев повторно беше прво име во нашиот тим со 23 поени, додека одличен беше и Александар Љафтов со 14 поени.
За Македонија ова ќе биде трет обид да дојде до златото во Сребрената Европска лига, откако претходно на двапати во 2015 и 2016 година ги губше финалните пресметки.
Противник во утрешното финале на нашите најдобри одбојкари ќе им биде селекцијата на Данска која во вториот полуфинален дуел ја совлада Унгарија со 3-1 во сетови. Нашиот нацонален тим против Данците одигра два дуела во групниот сегмент. И двете селекции имаат по една победа од по 3-0 во сетови.