Тениската репрезентација на Македонија ја постигна првата победа (2:1 против Малта) во Третата Европска зона од Дејвис купот откако претпладнево во продолжението на прекинатиот меч во двојки оствари триумф. Македонската комбинација Димитар Грабул и Шендрит Деари ги победија со 2-0 во сетови (7:5 и 7:5 во гемови) Метју Асциак и Омар Судзука.
Инаку, мечот беше прекинат вчера поради дожд во првиот сет при резултат 4:4 во гемови. Македонија поведе со победата на Грабул, а Малта изедначи откако Томислав Јотовски го загуби вториот сингл меч.
Според програмата Македонија денеска треба да одигра и меч од 2.коло во Созопол. Противник ни е селекцијата на Исланд, која вчера ја совлада Молдавија со 2:1. За Македонија во сингл мечевите ќе настапат Грабул и Јотовски, а почетокот е предвиден во 11 часот.