Македонската тениска репрезентација денеска ги дозна противниците во Дејвис купот на турнирот од третата Евро-африканска зона во Созопол, Бугарија. Македонија ќе игра во Б-групата заедно со Исланд, Молдавија и Малта.
Првопласираната селекција од овој турнир ќе игра бараж за влез во втората Евро-африканска зона.
За Македонија во Созопол ќе играат: Томислав Јотовски, Димитар Грабул, Горазд Србљак и Шендрит Деари.
Првиот натпревар, „црвено-жолтите” го играат веќе утре против Молдавија.
Состав на групите:
Група А: Ерменија, Бугарија, Грција.
Група Б: Македонија, Исланд, Малта, Молдавија.
Група Ц: Сан Марино, Албанија, Луксембург, Лихтенштајн.
Група Д: Андора, Косово, Ирска, Црна Гора.