Дефанзивецот Давид Луис изјави дека решил да се пресели од Челзи во градскиот ривал Арсенал затоа што имал потреба од нов предизвик.
– Јас сум полн со амбиција, затоа и се решив на овој трансфер. Ми се допаѓаат новите предизвици, новите работи. Ми дава кислород и мотивација. Можев да изберам многу поудобна опција, да заработам пари и да живеам мирно. Сите знаат дека бев среќен во Челзи, со кого освоив многу трофеи. Имав искрен разговор со (менаџерот) Лампард и стана јасно дека имавме различни визии за сезоната. Па така најдоброто нешто за обете страни беше да покажеме почит и да се разделиме, изјави Бразилецот, кој забележа 248 натпревари со 18 голови и 12 асистенции на „Стемфорд Бриџ“.
Со Челзи, бразилскиот централен дефанзивец еднаш ја освои титулата во Англија во 2017 и трофејот во Лигата на шампионите во 2012, како и ФА Купот во 2012 и во 2018 и Лигата на Европа во 2013 и во 2019.