Ливерпул и ПСЖ се пласираа меѓу најдобрите осум тима во Лигата на шампионите

Од:

Ливерпул со две победи од по 2:0 го елиминираше вечерва Лајпциг во осминафиналната пресметка во Лигата на шампиони (ЛШ), а пласман меѓу осумте најдобри екипи во елитното клупско натпреварување обезбеди и Пари Сен-Жермен (ПСЖ), одигрувајќи 1:1 на домашен терен против Барселона.

dobivaj vesti na viber

Предноста од 4:1 од првиот натпревар, францускиот првак ја зголеми во 31 минута преку Килијан Мпабе од пенал, а Барселона израмни шест минути подоцна со фантастичен гол на Лионел Меси од преку 30 метри.

Капитенот на каталонскиот тим во последната минута од првото полувреме можеше да донесе целосен пресврт, но Кејлор Навас го одбрани неговиот удар од белата точка. Претходно, на средина од полувремето Барселона, која целосно доминираше на теренот, пропушти уште една голема шанса, кога Сержињо Дест ја погоди само гредата од голот на ПСЖ.

Барселона продолжи да доминира на теренот и во второто полувреме, но Навас беше несовладлив на голот на ПСЖ.

Ливерпул на неутрален терен во Будимпешта со головите на Мохамед Салах во 70 минута и на Садио Мане четири минути подоцна по втор пат триумфираше над Лајпциг и со вкупен резултат од 4:0 обезбеди четвртфинале во Лигата на шампиони.

Пласман во четвртфиналето први во вторникот обезбедија Борусија Дортмунд и Порто.

Би можело да ве интересира

Коларов ја заврши кариерата

Предраг Петровиќ

(ВИДЕО) Крос се изнервира од новинар: Имаше 90 минути и смисли вакви две п*срани прашања

Геце признава: Згрешив што не отидов во Ливерпул

А1он

Капитенот на Аталанта му се извини на Кулибали за расистичките навреди од фановите

А1он

ВИДЕО: Еуфорија во центарот на Скопје за победата на Македонија

Ландов

ВИДЕО: Хаос во Црна Гора, хулигани прекинаа фудбалски натпревар

Катерина Павлова-Николовска