Актуелниот шампион Сан Антонио загуби пред својата публика од Л.А. Лејкерси во дербито на вечерта од кошаркарската НБА лига.
„Лејкерси„ предводени од Ник Јанг кој постигна 29 поени и Коби Брајанта кој имаше учинок од 22 поени и 9 асистенции, го совладаа Сан Антонио дури по дополнителните пет минути со 112:110.
Две продолженија се играа на дуелот Мемфис – Шарлот по кој домашниот тим славеше со 113:107.
Екипата на Атланта забележа и деветтата победа во низа совладувајќи го Орландо со 87:81. За тимот на „Хоикси„ не настапи Перо Антиќ кој поради настинка не беше во составот.
На останатите дуели постигнати се следниве резултати: Чикаго – Портланд 115:106, Вашингтон – ЛА Клиперс 104:96, Бостон – Њујорк 95:101, Бруклин – Филаделфија 88:70, Торонто – Индијана 106:94, Минесота – Оклахома Сити 92:111, Њу Орлеанс – Кливленд 119:114, Феникс – Детроит 103:105 и Јута – Мајами 103:105.