Чешката тенисерка Петра Квитова е победничка на ВТА турнирот во Токио кој се играше за награден фонд од 2,4 милиони долари. Квитова утрово ја победи Анжелика Кербер (Германија) со 2:1 – по сетови 6:2; 0:6 и 6:3.
Во првиот сет чешката тенисерка направи два брејка, за во вториот Кербер посилно да возврати со три освоени гемови на сервис на противничката. Одлучувачкиот сет започна со четири освоени гемови на победничката што беше доволно за рутиниран финиш.
За Квитова ова е втора титула на силни турнири по триумфот во Дубаи, а вкупно 11 во кариерата.