Квалификации за ЕП 2020: Два гола на Елмас за победа над Словенија

Од:

Репрезентацијата на Северна Македонија вечерва забележа важна победа над Словенија со 2:1 (0:0) во квалификациски меч за ЕП 2020 од групата „Г“, кој се одигра на арената „Тодор Проески“ во Скопје.

Двата гола за „жолто-црвените“ ги постигна новиот фудбалер на Наполи, Елиф Елмас, кој беше прецизен во 50-тата, по одличната асистенција на Горан Пандев и 68-та минута, откако по одлична контра на нашиот тим офанзивниот фудбалер излезе сам пред голманот на Словенија, Јан Облак и реализираше.

Почесниот гол за гостите го постигна играчот на Аталанта, Јосип Иличиќ во 95-тата минута.

По овој меч, нашата репрезентација е на третото место со 11 бода (3-2-2) по седум одиграни кола, на само два од второто место, на кое во моментов е Австрија и кое носи во баражот за пласман на Европското.

Во другите два меча од групата, Австрија ја совлада селекцијата на Израел со 3:1, додека лидерот на табелата Полска немаше проблеми на гостувањето кај Латвија и ја совлада со 0:3.

Токму со „дружина полска“ нашите фудбалери ќе го имаат клучниот меч на гостински терен, a дуелот се игра во недела, 13 октомври.

Би можело да ве интересира

За утре закажана уште една средба на ФФМ со прволигашите

Ана Ололовска

Фудбалскиот клуб Пелистер бара да игра во Првата фудбалска лига

Ана Ололовска

ФФМ одржа консултативен состанок со прволигашите

А1он

Реконструирана тревната површина на Националната Арена „Тодор Проески“

Ана Ололовска

„Кит Го“ ремизираше со Тиквеш, „Каменица Саса“ убедлива против Плачковица

Ана Ололовска

ПМФЛ: Работнички ја совлада Академија Пандев

Ана Ололовска