Екипата на Куманово не успеа да го освои пехарот во БИБЛ лигата откако вечерва во реваншот од финалето во ова натпреварување загуби од бугарскиот тим Берое со 77:73 (22:9; 20:17; 11:30; 24:17). На првиот натпревар одигран во Стара Загора Берое победи со 84:55.
Најефикасен на натпреварот беше Брендис Рос од Берое со 17 поени.
Натпреварот доцнеше со почетокот од причина што на неколку минути пред стартот на дуелот снема струја во спортската сала во Куманово.
Куманово е третата македонска екипа што играше во финалето на ова натпреварување, откако претходно тоа им успеа на Работнички во 2009 година и на Фени Индустри во 2011 година. Токму тимот од Кавадарци, Фени Индустри е единствениот од Македонија кој го има освоено ова натпреварување.