Куманово домаќин на Куп на Македонија во ракомет

Денеска во спортската сала во Куманово со почеток во 17 часот ќе се одиграат завршните Ф4 турнири од Купот на Македонија во ракомет, машка и женска конкуренција. Организатори се општина Куманово, Женски Ракометен Клуб Куманово и Ракометната Федерација на Македонија.

Натпреварите се одржуваат по повод 90-годишнината од формирањето на Женскиот клуб Куманово, како прва ракометна екипа во државата и 500 години постоење на Куманово.

На турнирот ќе учествуваат ЖРК Вардар, ЖРК Металург, ЖРК Стружанка од Струга и домаќинот ЖРК Куманово во женска конкуренција, додека во машка конкуренција ќе се натпреваруваат РК Еурофарм Битола, скопските РК Вардар, РК Бутел и РК Металург во машка конкуренција.

Денеска, ќе играат екипите ЖРК Вардар и ЖРК Стружанка во првото полуфинале, ЖРК Куманово ЖРК Металург во второто полуфинале. Во петок на 10-ти мај закажани се два дуели во машка конкуренција каде во првиот дуел настапуваат екипите на Металург од Скопје и екипата на Бутел, додека во вечерните часови од 20 часот, РК Вардар ќе се сретне со Еурофарм во второто полуфинале.

Финалните натпревари ќе се одиграат во сабота. Од 16 часот е женското, а од 20 часот машкото финале.

Би можело да ве интересира

Младите ракометарки го победија Косово на ЕХФ шампионатот

Пецаковски по четврти пат ќе го облече дресот на Металург

Мартин Димов нов ракометар на Бутел

Ана Ололовска

Брестовац го објави списокот на ракометари за СП У19

Ана Ололовска

Металург се засили со Мариќ

Хрватот Јотиќ потпиша за Еурофарм Работник

Ана Ололовска