Германскиот фудбалски репрезентативец Тони Крос во новата сезона ќе го засили европскиот првак Реал Мадрид, пренесе денеска шпанската „Марка“.
Според овие тврдења Реал и Крос постигнале договор според кој Германецот следните пет години ќе биде играч на „кралевите“.
Финансиските детали не се соопштуваат, но се шпекулира со висината на оштетата од околу 30 милиони евра кои шпанскиот гигант треба му ги плати на Баерн Минхен.
Крос вечерва од 22 часот со својата репрезентација против Алжир го игра осминафиналниот дуел на СП.