Раководството на сино – белите го прекина договорот со Американецот Брендон Вуд.
Црномурестиот кошаркар кој предизвика големо внимание кај фановите на клубот пред старот на сезоната, воопшто не ги исполни очекувањата.
Публиката, а очигледно и раководството на тимот, беше разочарана од неговите перформанси како на тренинзите така и на неколкуте натпревари кои се одиграа последниве недели.
Брендон Вуд кој беше најавен како големо засилување за претстојната сезона во АБА-лигата, од денеска и официјално не е веќе член на „металците“, а управата и стручниот штаб ќе го насочат своето внимание кон ангажман на нов странски кошаркар на позициите „еден“ и „два“.
Американецот Вуд беше најавен како суперзасилување, со просек од 8,9 поени по меч на универзитетот Мичиген Стејт, но се покажа како лош избор на тренерот Александар Тодоров и на раководството на МЗТ Скопје.