Легендарниот бразилски фудбалер, трикратниот светски шампион Пеле, денеска наполни 80 години.
Пеле е единствениот фудбалер во светот што трипати го има освоено Светското првенство како играч. Тој е исто така најдобар млад фудбалер за СП 1958 и најдобар играч за СП 1970, освојувач на Интерконтинентален куп и Копа Либертадорес, освојувач на Суперкупот на меѓуконтинентални шампиони и десеткратен шампион на државата Сао Паоло.
Во текот на својата кариера, Пеле играше за Сантос и Њујорк Космос, а исто така одигра 92 натпревари и постигна 77 погодоци за репрезентацијата на Бразил.
За време на неговата кариера, бразилската легенда има просек од речиси еден гол по натпревар – постигна 1.289 гола на 1.363 средби.