Кошаркарското првенство почнува на 31 октомври

Од:

Кошаркарската федерација на С. Македонија денес соопшти дека Првата лига ќе стартува на 31 октомври.

– Раководејќи се според актуелниот здравствен и безбедносен билтен кај клубовите од Прва лига-мажи, и имајќи го во предвид фактот дека екипите кај кои беа забележани позитивни тестирања од Ковид-19 не можеа да го реализираат во целост тренажниот процес пред 21. октомври, раководството на федерацијата одлучи првото коло од новата натпреварувачка сезона 2020/2021 да се одигра на 31. октомври.
Во таа насока, секој учесник во натпреварувањето пред почетокот на натпреварувањето е должен да потпише изјава-согласност со која ќе потврди дека ќе ги почитува општите мерки за превенција и заштита од Ковид-19 кои важат во делокругот на кошаркарскиот спорт, како и дека ќе ги почитува најавените протоколи за превенција и заштита од Ковид-19, од страна на надлежните државни органи и од страна на федерацијата. Вклучително и посебните мерки за превенција и заштита од Ковид-19 наложени од организаторот на натпреварувањата во рамките на федерацијата.

Федерацијата секојдневно ќе ја следи состојбата во нашата држава од здравствен аспект и во консултации со Комисијата за заразни болести и Институтот за јавно здравје, по потреба ќе бидат донесени и дополнителни одлуки за почеток и реализација на понатамошниот тек на натпреварувањето, стои во соопштението на КФСМ.

Првично македонскиот кошаркарски шампионат требаше да почне на 3 октомври, па беше одложен стартот за една недела, за сега да се планира за крајот на месецов.

Би можело да ве интересира

Ефремовски: Да ги добиеме двата натпревари во Талин

Ана Ололовска

Лекарите со препорака Димитријевиќ да не игра во Талин

Ана Ололовска

Тестовите на македонските кошаркари и стручниот штаб негативни

Ана Ололовска

Tодоров го објави поширокиот список за ноемврискиот „прозорец“ на ФИБА

Ана Ололовска

Работнички подобар од МЗТ Скопје во првото вечно дерби од новата сезона

Ана Ололовска

Академија ФМП и Куманово со победи го отворија новото првенство

Ана Ололовска