Кошаркарската федерација ја доби салата „Кале“ во трајно владеење

Од:

Кошаркарската федерација на Северна Македонија од денеска ја доби на користење голема сала на СРЦ „Кале“. Ова не заедничка прес-конференција го соопштија раководството на федерацијата и претставници на Владата.

Првиот човек на КФСМ, Перо Антиќ се заблагодари на Владата и изрази задоволство од тоа што федерацијата добива своја сала.

– Во нашата програма стои дека акцент ќе ставиме на обезбедување услови за младите кошаркари. Презадоволен сум што конечно добиваме своја сала во која младите ќе можат да работат 24 часа 365 дена во годината, изјави Антиќ

Советникот за спорт во Владата на Северна Македонија, Даниел Димевски рече дека се прават напори и другите спортски федерации да добијат свои терени, а го најави и почетокот на изградбата на Домот на спортовите.

– Ова е едно од клучните наши заложби да спортските објекти ги дадеме на користење на спортските субјекти. Ќе има и други објекти кои ќе се доделат на федерациите. До крајот на неделата ќе имаме уште едно изненадување, нов сопственик ќе добие уште еден круцијален објект и се во насока на тоа објекти кои со години талкале да се најдат во вистински раце, потенцира Димевски.

Предвидено е салата во СРЦ „Кале“ да биде своевиден дом на репрезентациите, почнувајќи од младинските категории па се до сениорската.

Што се однесува до канцеларијата на КФСМ и натаму останува на старите простории, се до изнаоѓање на соодветни поголеми, но и тоа би било привремено решение до конечната изградба на Домот на спортовите.

Би можело да ве интересира

Антиќ избра 25 кошаркари за подготовките за јуниорското ЕП во Софија

Ана Ололовска

Перо Антиќ ќе биде претседател на КФСМ и во следните четири години

Катерина Ѓуровски

Слободен влез за навивачите за завршницата на македонскиот кошаркарски Куп

Ана Ололовска

Завршницата на македонскиот кошаркарски Куп почнува в четврток

Во нова драма, Македонија со тесна победа над Словачка!

Горан Наумовски

Македонската кошаркарска федерација вечерва ќе ги додели признанијата за најуспешните

Ана Ололовска