Женската кошаркарска репрезентација на Македонија денеска од 18 часот и 45 минути против Шкотска ќе го одигра полуфиналниот натпревар од Европскиот шампионат за мали земји кој се одржува во Охрид.
Избраничките на селкторот Лидија Милкова, до место меѓу четирите најдобри се изборија со трите победи во групната фаза против Гибралтар, Австрија и Велс. За разлика од Македонија која го освои првото место во групата „Б“, Шкотска како второпласирана заврши во „А“ групата со учинок од две победи против Азербејџан и Молдавија и пораз од актуелниот првак во оваа конкуренција Малта.
Токму Малта ќе игра против Австрија во вториот полуфинален натпревар кој ќе започне во 21 часот.
Фналето е закажано за утре со почеток од 21 часот.
Во натпреварите за пласман од 5 до 8 место ќе играат, Азербејџан – Гибралтар (14.15 часот) и Велс – Молдавија (16.30).