Откако под своја капа ги стави „Волво“ и британската компанија „Лондон Такси“, кинеската компанија „Гили“(Geely) е заинтересиранa и за купување на производителот на спортски автомобили „Лотус“.
„Гили“, која во средината на октомври го претстави новиот автомобилски бренд, „Lynk and Co“, со чија помош планира да ги нападне европскиот и американскиот пазар, може да стане нов сопственик на „Лотус“, дознава „Road &Track“.
„Лотус“ во моментов е сопственост на малезиската деловна групација „DRB Hicom“, а во изминатите неколку години мина низ турбулентен период и се обидува да се извлече од кризата. Се верува дека новиот сопственик успеа финансиски да ја стабилизира компанијата и да реализира некои од планираните нови модели, меѓу кои се новата генерација на моделите „Евора“ и „Ексиџ“.
Ниту „DRB Hicom“, а ниту „Гили“ не се огласија официјално за ваквите тврдења.