Според пишувањето на француските медиуми, браќата ракометари Никола и Лука Карабатиќ се бранеа со молчење.
Ракометарите се осомничени дека учествувале во местењето на натпреварот од 24 коло на француската лига против екипата на Сесон Севињи во кој што изгубиле со 31:28, а коефициентот за победа бил 45.
Доколку играчите признаат или се докаже дека намерно го пропуштиле натпреварот против екипата Сесон Севињи, на кој нивните сопруги, девојки и блиски луѓе на клубот, заработиле преку 200 илјади евра, на сите играчи за вмешаност во местење на натпревари и корупција, им се заканува затвор до пет години плус парична казна.
Приведени беа вкупно 12 лица од кои 8 ракометари на Монпеље, двајца на ПСЖ и спомнатите девојки и сопруги.