Српската тенсиерка Ана Ивановиќ прва успеа да се пласира во полуфиналето на годинашниот Ролан Гарос откако во четвртфиналето ја победи Елина Свотолина од Украина со 2:0 во сетови.
Првиот сет Ивановиќ го доби со 6:3 во гемови, а во вториот беше 6:2 во меч што траеше 65 минути.
Ивановиќ беше победничка на Ролан Гарос 2008 година, а во 2007 година играше во финалето.
Нејзина ривалка во полуфиналето ќе и биде победничката од дуелот Гарбине Мугуруза (Шпанија) и Луси Сафарова (Чешка).
Утре во четвртфиналните мечеви ќе играат: Серена Вилијамс (САД) – Сара Ерани (Италија) и Тимеа Башчински (Швајцарија) – Алисон Ван Ујтванк (Белгија).
Денеска на програмата на Ролан Гарос се играат и два меча од четвртфиналето кај мажите:
Кеи Нишикори (Јапонија) – Жо-Вилфред Цонга (Франција) и Стан Вавринка (Швајцарија) – Рожер Федерер (Швајцарија).