Интер го гледа напаѓачот на Арсенал, Пјер-Емерик Обамејанг како една од потенцијалните алтернативи за Лаутаро Мартинез, пренесува Goal.com.
Според изворот, 30-годишниот репрезентативец на Габон би можел да премине во тимот на Антонио Конте, доколку 22-годишниот Мартинез замине во летниот преоден рок. Реал Мадрид е подготвен да плати 111 милиони евра за аргентинскиот напаѓач.
Во сезоната 2019/20, Обамејанг постигна 16 голови и даде 1 асистенција на 27 натпревари за Арсенал.
Неговиот договор со „топџиите“ е до крајот на јуни 2021 година.