Инфантино: Нема повеќе мали и големи репрезентации

Од:

Претседателот на ФИФА, Џани Инфантино изјави дека групната фаза на Светското првенство во Катар е „најдобрата во историјата“ на Мундијалите. Инфантино за официјалниот сајт на ФИФА изјави дека неуспесите на големите репрезентации и бројот на селекции кои напредуваат укажуваат на тоа дека фудбалот станува глобален.

Џани Инфантино истакна дека повеќе од две милијарди гледачи ги следеле натпреварите од групната фаза на 22. Светско првенство.

„Фантастична атмосфера, одлични голови, неверојатни возбудувања, изненадувања, мали тимови победуваат големи тимови. Сега веќе нема мали и големи тимови. Нивото е многу, многу изедначено. И за прв пат репрезентациите од сите континенти влегоа во нокаут фазата, за прв пат во историјата. Тоа покажува дека фудбалот навистина станува глобален“, рече Инфантино.

СП 2026 ќе се одржи во САД, Канада и Мексико, а на овој Мундијал ќе учествуваат 48 репрезентации.

Инфантино истакна дека е воодушевен од бројот на навивачи на стадионите и фан зоните во Катар.

„Се надевам дека Светското првенство во Катар ќе заврши како што започна – со фантастичен успех. Верувам дека ова Светско првенство ќе достигне гледаност од пет милијарди луѓе ширум светот. Стадионите се распродадени и полни на секој натпревар. На крајот, едноставно сакаме да им донесеме малку радост и насмевки на луѓето ширум светот. Тоа е фудбалот, тоа е Светското првенство“, заклучи Инфантино.

Извор: Топспорт

Би можело да ве интересира

Марчинијак: Французите не се жалат дека сите резерви беа во терен кога Мбапе шутираше пенал

Мароканците одлучија паричната награда од ФИФА да ја донираат за сиромашните сограѓани

Горан Наумовски

ВИДЕО: И Мароканците со фантастичен пречек во Рабат

Горан Наумовски

Мустафа Хаџи со лажна лиценца бил асистент тренер во репрезентацијата на Мароко

Горан Наумовски

Ѓоковиќ го пофали Катар за организацијата на Светското првенство: Еден од најдобрите фудбалски натпревари што сум ги гледал

А1он

Најефикасен Мундијал во историјата