Напаѓачот на Лацио, Чиро Имобиле, постигна гол на денешниот натпревар во италијанскиот шампионат против Џенова (3:1).
За 30-годишниот напаѓач ова беше 27. погодок по 25 одиграни кола во Серија А, со што го повтори рекордот на Антонио Ангелило, кој го постави во сезоната 1958/59.
Имобиле е лидер на списокот на стрелци во првенството пред Кристијано Роналдо од Јувентус кој досега има дадено 21 гол.