Таткото на американскиот милијардер Илон Маск, Ерол Маск изјави дека неговиот син е заинтересиран да го купи англискиот фудбалски клуб Ливерпул, пренесе денеска АП.
Ливерпул е во сопственост на Fenway Sports Group (FSG) од 2010 година.
Ерол Маск во интервју за Тајмс радио изјави дека извршниот директор на Тесла е заинтересиран да го купи Ливерпул.
Челниците на Ливерпул не сакаа да ја коментираат оваа информација.
Ливерпул е на првото место на табелата во Премиер лигата со 46 бодови од 19 натпревари.