Илјадници Украинци тргнаа кон Букурешт за да ги бодрат нивните фудбалери во пресметката со Македонија

Од:

Украинските фудбалери најавија поход на романската престолнина од свои навивачи за утрешниот натпревар против македонскиот национален состав, што за двете репрезентации ќе биде клучен во обидот да изборат пласман во осминафиналето на Европското првенство.

„Црвено-жолтите“ имаа огромна поддршка од околу 4.000 навивачи на натпреварот од првото коло во групата Ц против Австрија во неделата, но украинскиот напаѓач Jаремчук изрази убеденост дека утре на трибините на Националната арена во Букурешт ќе преовладува сино-жолтата боја.

– Имам чувство дека ќе видиме многу Украинци, бидејќи разговарав со многу луѓе и сите тие најавија дека доаѓаат во Букурешт. Сигурен сум дека ќе видиме многу повеќе украински од македонски навивачи на стадионот, изјави Јаремчук.

Напаѓачот на белгискиот прволигаш Гент, кој постигна прекрасен гол во поразот на Украина од Холандија (2:3) во првото коло на ЕУРО2020, додаде дека македонскиот состав со квалитетот што го поседува и постигнатите резултати заслужува целосен респект.

– Се разбира дека тие немаат во своите редови играчи како Мемфис Депај, Френки Де Јонг или Џеорџино Вајналдум, но затоа имаат добар тимски дух, и тоа можам да го почувствувам. Очигледно е дека имаат идеја на теренот и се борат за резултатот, и затоа очекувам утрешниот натпревар да биде многу тежок, најави Јаремчук.

Од своја страна, Фудбалската федерација на Македонија апелираше попладнево до сите навивачи на „црвено – жолтите“, кои имаат обезбедено влезница за утрешниот натпревар, доколку се во можност, денеска да обезбедат алка за негативен Ковид-19 тест, поради „очекувањата на организаторите на натпреварот голем број навивачи на двете репрезентации да пристигнат во Букурешт во текот на утрешниот ден“.

Би можело да ве интересира

УЕФА го објави идеалниот тим на ЕВРО 2020

Жарко Настоски

Шкотски весник предлага Манчини да биде прогласен за почесен граѓанин на земјата

Ана Ололовска

Донарума за последниот пенал во финалето: Не славев затоа што не знаев дека победивме

Ана Ололовска

Секој италијански репрезентативец ќе добие по четврт милион евра за европската титула

Жарко Настоски

Саутгејт ќе размисли дали би прифатил нов договор

Жарко Настоски

Во Италија загина 22-годишно момче, а десетици се повредени во шампионската прослава

Жарко Настоски