Икарди го остава Интер на цедило и за „Дерби дела Мадонина“

Интер нема да може да смета на Мауро Икарди во неделата на „Дерби дела Мадонина“ против Милан, објави Тутоспорт.

Разговорите меѓу Аргентинецот, неговата сопруга Ванда Нара и извршниот директор Џузепе Марота не довеле до потребниот резултат и напаѓачот нема да ги обнови тренинзите со тимот.

Во четвртокот на Интер му претстои многу тежок реванш со Ајнтрахт (Франкуфрт), а опциите пред тренерот Лучано Спалети за избор на почетен состав се крајно ограничени. Интер има точно 11 играчи од сениорскиот состав, а Икарди нема да му помогне на својот тим во Лигата на Европа.

Ситуацијата на напаѓачот е сосема комплицирана откако му беше одземена капитенската лента, при што официјалната причина за неговото отсуство е повреда на коленото. Ова значи дека Интер ќе игра без Икарди во следните два исклучително важни натпревари, што може целосно да ја промени сезоната на „нероазурите“.

Би можело да ве интересира

Тензии помеѓу Роналдо и Сари уште во првиот меч

Ана Ололовска

Двоен удар за Наполи – ќе пропушти и Хамес и Фекир

Ана Ололовска

ВИДЕО: Кејн го загорчи дебито на Сари на чело на Јуве

ВИДЕО: Елмас го напушти Фенербахче

Татјана Ташкова

Пјаниќ: Никогаш не сум сакал да го напуштам Јувентус

Конте: Лукаку може да го подобри Интер