Случајот „Ѓоковиќ против Австралија“ го привлекува вниманието на светските медиуми, а за оваа тема се изјасни и Светската здравствена организација. Таа ги повика државите да не ги спречуваат патниците да влегуваат во земјата само врз основа на статусот на вакцинација, туку да воведат ограничувања врз основа на преовладувачката епидемиолошка ситуација.
Позицијата на СЗО може да влијае на одлуките на голем број земји во кои се на сила регулативите за автоматски забрани за влез на невакцинирани лица, вклучително и Австралија.
– Статусот на вакцинација не смее да се користи како аргумент дека на луѓето им е забрането меѓународно патување и дека владите на сите земји можат да наредат задолжителна вакцинација само во краен случај, наведуваат од Светската здравствена организација.