Романската тенисерка Симона Халеп, која беше финалистка на Ролан Гарос во 2014 година, со пресврт во четвртфиналето успеа да ја совлада Елина Свитолина од Украина и со 2-1 во сетови да оствари победа за пласман во полуфиналето на Отвореното превнство на Франција.
Халеп го загуби првиот сет со 6:3 во гемови, а во вториот беше подобра со 7:6, односно 8:6 во тај брекот. Во решавачкиот сет Халеп, која е трета носителка, беше убедлива и победи со 6:0.
Нејзина противничка во полуфиналето ќе и биде втората носителка Каролина Плишкова од Чешка, која со 2-0 во сетови ја победи Каролине Гарсија од Франција со 7:6 (7:3) и 6:4 во гемови.
За Плишкова ова е најдобар пласман на Ролан Гарос, откако во претходните четири учества беше елинирана во првите две кола.
Во второто женско полуфинале ќе играат: Тимеа Бачински и Јелена Остапенко.
Од денешната програма Доминик Тим го победи Новак Ѓоковиќ со 3-0 во сетови во машкото четвртфинале, а Рафаел Надал ќе му биде ривал во полуфиналето откако неговиот противник од четвртфиналето Пабло Буста му го предаде мечот при 1-0 во сетови за Надал.
Во тек се другите два машки четвртфинални дуели меѓу Енди Мареј и Кеи Нишикори и Стан Вавринка и Марин Чилиќ.