Гонзалез: Задоволен сум од резултатот и освоените бодови

Селекторот на македонската ракометна репрезентација, Раул Гонзалез по триумфот над Јапонија во првиот меч на СП 2019 попладнево изјави дека првиот меч на голем турнир секогаш е тежок, но дека се среќни од победата.

Македонија забележа победа со девет голови разлика и дојде до очекуваниот триумф, а шпанскиот стратег го посочи голманот Борко Ристовски како еден од „виновниците“ за успешниот почеток на континенталниот собир.

– Првиот меч на секој голем турнир е тежок, но среќни сме за победата. Борко бранеше фантастично во првото полувреме и ни помогна да се одлепиме. За настап на СП неопходно е голманите да се во најдобра форма. Примвме 29 голови но и покрај тоа сум задоволен од резултатот и освоените бодови. Сега го забораваме овој дуел, одиме понатаму кон следниот противник. Ова е само прв дуел и нема простор за преголемо славје, изјави Гонзалез по мечот.

Во однос на изборот на играчи, Шпанецот изјави дека играат оние што се најдобри.

– Ние имаме играчи што се поквалитетни и тие играат повеќе. Не ми е важно дали се млади или стари, туку дали одговараат на она што јас како тренер го барам од нив, додаде Раул.

Македонија вториот дуел го игра во недела од 14,00 часот против Бахреин.

Би можело да ве интересира

Кадетите ги добија противниците за СП 2019

ИХФ го прогласи идеалниот тим, Хансен МВП

Наум Локоски

Данска „ја згази“ Норвешка во финалето на Светското ракометно првенство

Наум Локоски

Франција подобра од Германија во дуелот за третото место на ракометниот Мундијал

Наум Локоски

Шведска го освои петтото место на СП во ракомет

Наум Локоски

СП 2019: Шпанија преку Египет до квалификации за ОИ 2020

Наум Локоски