Ракометарите на Вардар Про извојуваа голем триумф во трилер завршница во полуфиналето од СЕХА-лигата против Металург со 22:21 и ја продолжуваат одбраната на трофејот во регионалното натпреварување.
Во клучните моменти Карачиќ ја презеде одговорноста врз себе и реализираше од „пикер“ за водство од 22:21.
Металург имаше шанса да израмни, но по акцијата на Батиновиќ до Димовски топката му испадна од раце на искусниот пикер, што значеше и конечен триумф на „црвено-црните“, кои в недела во 19 часот во големото финале ќе ги одмерат силите со Загреб КО.
Карачиќ постигна пет гола за Вардар, пред Стоилов и Раковиќ со по три погодоци додека кај Металург најпрецизен беше Вугринец со пет гола, додека Георгиевски четири пати го матираше Милиќ.
ФОТО: Екипа.мк