Кошаркарите на Голден Стејт постигнаа победа на ноќешниот дуел со Оклахома Сити, иако противникот предводен од Кевин Дјурант подобро го почна натпреварот и по пет минути водеше и со 17 поени разлика (30:13).
Голден Стејт брзо се врати резултатски, а во финишот на првиот дел Дјурант во еден продор го повреди глуждот на десната нога и во вториот дел не се појави на теренот. Сепак тој за едно полувреме постигна 30 поени. Најефикасен на дуелот беше Стефан Кари од Голден Стејт со 34 поени, додека кај Оклахома Сити Расел Вестбрук постигна 33.
Резултати на ноќешните дуели: Голден Стејт – Оклахома Сити 114:109, Сакраменто – Милвоки 107:108, Хјустон – Њу Орлеанс 90:99 и Чикаго – Њујорк 103:97.
Вечерва играат: Орландо – Јута, Филаделфија – Шарлот, Бостон – Минесота, Кливленд – Бруклин, Детроит – Торонто, Мајами – Вашингтон, Мемфис – Чикаго, Сан Антонио – Портланд, Денвер – ЛА Клиперс, ЛА Лејкерс – Оклахома Сити.
Пласман Источна конференција: Торонто 20-6 (победи-порази), Вашингтон 18-6, Атланта 18-7, Чикаго 16-9, Кливленд 14-10,…
Пласман Запдна конференција: Голден Стејт 22-3, Мемфис 21-4, Портланд 20-6, Хјустон 19-6, ЛА Клиперс 18-7,…