Македонската тенисерка Лина Ѓорческа го загуби мечот од првото коло од квалификациите на Вимблдон. Таа е поразена од првата носителка во квалификациите Александра Круниќ од Србија со 2-0 во сетови. Двата сета српската тенисерка ги доби со 6:4 во гемови.
Поголемото искуство на Круниќ на големите турнири беше еден од решавачките фактори за нејзиниот триумф против Ѓорческа, која го имаше своето деби на Вимблдон и воопшто прв меч на тревната подлога.
Ѓорческа попладнево треба да игра и во меч од квалификациите од првото коло заедно со Полина Монова од Русија против американките Ешли Вајнхолд и Кејтин Ворски.