Македонската тенисерка Лина Ѓорческа успеа да триумфира во игра на двојки на фјучрс турнирот во Врњачка бања.
Ѓорческа заедно со Русинката Полина Лејкина ја оправдаа улогата први носителки на овој триумф. Тие во финалето ги победија Ребека Срамкова и Наталија Вајдова од Словачка со 6:4 и 6:3 во сетови.
За Ѓорческа ова е петти триумф во игра на двојки оваа година.
За разлика од финалето во двојки нашата најдобра тенисерка во полуфиналето во поединечна конкуренција загуби од Срамкова со 2:0 во сетови (6:1 и 7:5). За пласманот во полуфиналето Ѓорческа ќе освои шест поени.