Македонската тенисерка Лина Ѓорческа со два пораза во четвртфиналето во двете конкуренции (сингл и двојки) го заврши настапот на фјучрсот во Египет. Таа синоќа во играта на двојки со Кристина Дину (Романија) загубија од Гуадалупе Перез Рохас (Аргентина) и Џил Тајчман (Швајцарија) со 2:0 во сетови (6:2 и 6:3).
Претходно по голема борба во четвртфиналето со 2-1 во сетови (5:7; 6:3 и 6:3) загуби и петтата носителка Сара Сорибес Тормо.
Ова беше прв настап на Ѓорческа на турнир со награден фонд од 100.000 долари.
Македонската тенисерка во понеделник на ВТА листата ќе направи скок особено што во рангирањето ќе и бидат пресметани резултатите постигнати и на фјучрсот во Италија, на кој настапи претходната недела.