Новак Ѓоковиќ ги демантираше гласините дека на крајот од сезоната ќе ја раскине соработката со тренерот Марјан Вајда.
Во куса изјава, тенисерот кој веќе 101 недела е број 1 во светскиот тенис, рекол дека словачкиот тренер останува на чело на неговиот тим.
„Марјан Вајда е прв човек на мојот тим. Тоа и ќе остане“, рекол Ѓоковиќ. Претходно францускиот весник „Л’екип“, објави информација дека Ѓоковиќ по завршувањето на сезоната ќе ја раскине соработката со Вајда.
Новак со словачкиот тренер соработува уште од 2006 година.