Најдобриот светски тенисер Новак Ѓоковиќ со многу сигурна и рутинска игра се пласираше во осминафиналето на Ролан Гарос.
Првиот носител на турнирот во Париз во три сета беше подобар од Словенецот Аљаж Бедене со резултат 6:3, 6:3, 6:2.
Во следното коло ќе игра против Аргентинецот Диего Шварцман, кој претходно во текот на денот убедливо со 3:0 (6:3, 6:1, 6:2) го победи Бугаринот Григор Димитров.
Интересна беше најавата на официјалниот спикер на стадионот „Филип Шатрије“, кој го најави Ѓоковиќ со зборовите:
„Бранител на титулата, најдобар играч во светот кој доаѓа од Србија“.
По почетните разменети гемови, Ѓоковиќ стигна до брз брејк и веќе беше решен првиот сет.
Сервисот фантастично му служеше на Србинот, но и длабоките удари со кои го контролираше ривалот од другата страна на мрежата и по 35 минути поведе во сетови.