ФОТО: Гевгелиските планинари со 10-месечно бебе ги искачија врвовите на Пирин планина

Од:

Викендов 26-члена екипа на планинарското друштво „Кожуф“ од Гевгелија со својот најмлад член Никола Костадинов, кој има само 10 месеци, ги искачија врвовите на Пирин планина во Бугарија, во рамките на одбележувањето на Денот на борецот на Република Македонија – 11 Oктомври.

Искачувањата започнаа во две групи. Една група имаше полесна задача – да го освои врвот Вихрен со кота од 2.914 метри надморска височина, со што се вбројува како трет врв на Балканските простори.

pirin-planina (3)Во оваа група учествуваше и најмладиот планинар Никола Костадинов, член на ПД „Кожуф“, кој има само 10 месеци, а успеа со своите родители да стигне до последната делница од маршрутата и да се искачи до врвот Вихрен.Водич на маршрутата беше искусниот планинар Александар Костадинов, татко на малиот Никола, кој својот 10-месечен син го носеше во специјален ранец прикачен на грбот.

Втората група пред себе си постави потешка задача – да ги искачи трите врвови на Пирин планина: врвот Кончето на висина од 2.760 метри надморска височина и врвот Кутело со висина од 2.908 м.н.в., а на повратниот дел од трасата тие стапнаа и на врвот Вихрен (2.914 м.н.в.).

pirin-planina (2)

По успешната акција, членовите на Планинарското друштво „Кожуф“ за овој викенд планираат да изведат работна акција со прочистување и уредување на патеката од планинарскиот дом „Томе Кротки“  кај село Конско до врвот „Двете уши“ на Кожуф планина.

А.Д.

 

Би можело да ве интересира

Македонски планинари го искачија Аконкагва, највисокиот врв во Јужна Америка

Планинар преживеа пад од височина од 600 метри

Предраг Петровиќ

Евакуирани се планинарите кои останаа заглавени во Националниот парк Триглав

Трајно укината станицата над Богомила оти возот губел залет на угорнина: Жителите под Солунска глава и планинарите останаа без превоз

Орце Костов

Стотина планинарки и планинари се искачија на Димев Врв на Пелистер

Ана Ололовска

Планинарски марш на Пелистер во чест на Димитар Илиевски Мурато

Ана Ололовска