Во Скопје се одржа Купот на Македонија во фитнес и боди билдинг.
Како нова и најатрактивна категорија се издвои бикини- фитнес категоријата за жени до 163см и над 163см.
Највпечатливата учесничка беше Александра Мирчевска.
„Отсекогаш сум се занимавала со спорт, а лани откако бев гостинка на балканското првенство во Србија, добив желба и јас да се натпреварувам. Ова е тежок спорт кој бара страшна дисциплина, одрекување од многу работи и максимална посветеност. Работам и целата подготовка ми беше дополнително отежната.
– Денот ми се сведе на тренинг- работа- тренинг- спиење. Не постоеше социјален живот и не бев свесна како изгледам се до 25-ти оваа сабота. Многу сум горда на себе, ова што го постигнав не го може секој”, вели Александра, 26-годишна скопјанка, која што работи како ПА и Маркетинг Администратор во британската компанија ЕуроБпо.
